Hemserekê HDPyî yo verên Selaheddîn Demîrtaş kewto 51 serrîya xo. Vizêr 10ê Nîsane, roja Roşanê Remezanî ya yewine bî û hetêk ra zî rojabîyayîşê Selaheddîn Demîrtaş bî.
Selaheddîn Demîrtaş 10ê Nisana 1973î qezaya Xarpêtî Pali de ameyo dinya, Avukat, sîyasetmedar û nuştox o. Serra 2014î de sey Serekê Pêroyî yê HDPyî ameyo weçînitene û hetanî 11ê Sibata 2018î wazîfeyê xo rê dewam kerdo.
Serra 2016î de hetê dewletaTirkîya ra semedê fikir û sîyasetê xo erzîyayo hepisxane. Ê wextî ra nat hepisxane de yeno tepiştene. Nika hepisxaneyê Kandira de maneno û şarê Kurd û qismêk şarê Tirkîya wazenê, venga hukmatê Ak Partî danê ke, wa Selaheddîn Demîrtaş serbest bêro veradayîş.
Heto bîn ra ewro aşkere bîyo ke kitabê Selaheddîn Demîrtaşî yo bi nameyê “Dewaya Cuyayîşêkê Birûmetî” roja rojabîyayîşê ey a 51 de ameyo vilakerdene.
Kitabo ke vejîyayo pawitişê Selaheddîn Demîrtaş ê mehkema ke dewaya Kobanî de kerdo ewro keyepelê ey yo keyepelê ey yo resmî ra ame vilakerdiş.
