Dadgeha Komara Îstanbulî, derheqê Serekê ÎBByî Ekrem İmamoğluyî de, bi sebebê "karmendê dewlete hedef mojnayene" tehqîqatêko newe da dest pêkerdiş.
Derheqê Serekê Şaredarîya Girdê Îstanbulî (ÎBB) Ekrem İmamoğluyî de, seba ke ey konferansê çapemenîyê ke Saraçhane de viraşt de, nameyê Satılmış Büyükcanayakînî ke sey pisporê dewaya Şaredarîya Beylîkduzî de ke o sey sucdar yeno muhakemekerdene û tehqîqatê şîrketanê ÎBByî ÎETT û ÎSFALTî û zî Şaredarîyanê Esenyurt û Beşîktaşî de xebetîyêno eşkera kerd û bi îdîaya ke 'hedef mojnayo' yew tehqîqat dîya dest pêkerdiş.
Îzahato ke hetê Serdozgerîya ra ame dayene de, nê vateyî ca girewtî:
"Derheqê Serekê Şaredarîya Girdê Îstanbulî Ekrem İmamoğluyî de seba ke ey konferansê çapemenîyê ke ewro viraşt de yew kesê ke sey pisporê dewayan û tayê tehqîqatan de ke ma domnênê xebetîyêno, seba ke qerar bi lehê şuphelîyanê tehqîqatî bêro dayene eşkera hedef mojnayo û reyna seba nê meqsedî nameyê ey zî eşkera kerdo û cehdê tesîrkerdişê kesê ke karê dadgerayî keno kerdo, goreyê maddeyanê 277 û 288. yê Qanunê Cezayê Tirkî tehqîqatê xoser dest pêkerd.
