Stuttgart bi golê kaykerdoxê Kurdî Denîz Undavî vera Augsburg 1-0 qezenc kerd.
Stuttgart hefteyê 16inî yê Bundesligaya Almanya de şi deplasmanê taximê Augsburgî.
Maço ke WWK Arena de ame kaykerdiş de Stuttgart 1-0 ser kewt.
Kaykerdoxo namdar yo Kurd Denîz Undav ke destpêkê Teşrîna Peyêne de nêweş kewtbi, nê maçî de reya verêne kay kerd.
Denîzî ke nêmeyê dîyine de kewt maç, resa hawara Stuttgartî û yew gol eşt.
Stuttgart bi nê golê Denîzê Kurdî ser kewt.
Denîzî emser 10 maçanê Bundesliga de kay kerdo û 6 golî kerdê.
"Agêrayîş zaf weş o"
Undavî maçî ra dima medyaya Almanya rê va:
"Agêrayîş zaf weş o. Ez keyfweş a ke mi bi yew golî ardim da taximê xo."
Stuttgart do mîyanê nê hewteyî de lîg de RB Leipzigî reyde kay bikero.
Denîz Undav hetê ra heyranê Amedsprî yo û çend rojî verê cû heskerdoxanê Amedsporî rê silamê zxo erşawitbî.