Sendîkaya Rojnamegeran a Tirkîya  (TGS) Dîyarbekir de afîsê xo yê neweyî bi merasîmêk akerd.

Merasîmê akerdişî yê Bînaya Temsîlkarîye ya TGSyî  rê xeylê rojnamegerî û endamî beşdar bîyî.

Serekê TGSyî Gökhan Durmuş Sekretera TGSyî Banu Tuna verê akerdişê afîsî qiseykerdişêk kerdê.

Banu Tuna va; "Tîya sere de keyeyê rojnamegeranê cinîyan û keyeyê pêrûna rojnamegeran o."

Serekê TGSyî Gökhan Durmuşî zî va, “Ma ewro şima dir pîya cayê xo yê neweyî Dîyarbekir de akenê. Çi heyf ke karê rojnamegerî nê serranê peyênan de hem hetê meslekî ra hem zî hetê azadîye ra darbe werdo. Nê serranê peyênan de se ra 90ê medya kewta binê kontrolê hukmatî.  Hemsereka DFGyî Dicle Müftüoğlu zî mîyan de 17 rojnamegerî nika hepisxaneyan de yê. Ma do pîya vera na neheqîye micadele bike û heqanê rojnamegeran bipawe."