Semedê Tarik Ziya Ekincî, ewro 17ê Tebaxê Camîya Şakirin a Uskudarî do merasîmê cenaze bêto viraştiş. Wasîyetê ey ser siba 18ê Tebaxe cenazeyê ey bajarê Amedî bêro definkerdiş.
Programê cenazeyê siyasetmedar, nuştox, tarîxnas, doktor û pawitoxê heqanê merdiman Tarik Ziya Ekincî aşkere bi.
Ewro semedê ey do Îstanbul de merasîmêk bêro viraştiş û tirmê ey do siba Amed de bêro definkerdiş.
Wasîyetê ey ser siba 18ê Tebaxe saete 10:30-11:30 de tirmê ey do Goristanê Şehîtlixî de bêro definkerdiş.
TARIK ZIYA EKÎNCÎ KAM O!
Serra 1925î de qezaya Dîyarbekirî Licê ameyo dinya. Serra 1949î de Fakulteya Tibî ya Zanîstgeha Îstanbulî qedînayo. Pisporê nêweşîya zereyan, siyasetmedar, nuştox û pawitoxê heqanê merdiman bi. Weçînayîşê 1965î yê Parlementoyî de Partiya Karkeranê Tirkiya (TÎP) ra sey parlementer amebi weçînitiş. Ekîncî hetêk ra zî hevalê Apê Mûsa (Mûsa Anter) bi. Ey serekîya Odeya Tabîban a Dîyarbekir-Mêrdîn-Sêrtî kerd. Endamê Heyetê Rûmetî yê Berzî yê Yewîya Tabîban a Tirkiya bi.
Ekîncî meseleyê kurdan ser o û raştîya kurdan ser o xeylî kitabî nuştî.
