Alî Çeven o ke yew roportajê kolanî de vatbi "Ez Tirk nîya" tepişîya.
Serekê Komela Rayberê Kurdan Alî Çevenî yew roportajê kolanî de vatbi "Ez Tirk nîya" û dima bîbi hedefê êrîş û tehdîdan.
Çeven dima ra amebi girewtiş la dima veradîyabi.
Avukatê Alî Çevenî Suphî Ozgenî hesabê xo yê Xî ser ra va "Alî Çeven wexto ke tepişîya kuwayîş werdo. Ma do gerre bikere çunke muameleyo xirab qedexe yo."
Suphî Ozgenî da zanayîş ke Çeven bi îddîaya propagandaya PKKyî tepişîyayo.
Parlamentera DEM Partî ya Erzirumî Meral Daniş Beştaşî zî va:
"Çunke ey va 'Ez Tirk nîya' di rey tepişîya, muameleyo xirab dî û tepişîya. Qey vatişêko bîn lazim keno?"
"Kurdî çi wazenê?"
Parlamenterê DEM Partî yê Kocaelî Omer Faruk Gergerlîogluyî zî reaksîyonê xo wina ard ziwan:
"Şima tim mi ra pers kenê û vanê 'Kurdî çi wazenê?' Alî Çeven waştişê Kurdan ra behs keno. Zaf rey tepişîya, kuwayîş werd û dima zî tepişîya."
"Mesela PKK nîya"
Ferhat Encuyî zî aşkera kerd ke Alî Çeven PKK û DEM Partî ra nîyo û va:
"O verî Tirkperest bi. Bi hawayêko zelal fam beno ke mesela PKK nîya.
Ti kam benî zî wexto ke to nasnameya Tirkbîyayîşî red kerd, ti rastê şîdetê nê zihnîyetê faşîst û înkarkerî yenî. Ganî êdî Kurdî veng vejî û vajî 'Ez Tirk nîya, ez Kurd a.."