Cinîya ke nameyê xo Suphîye Ozabay a, bi viraştiş û rotişê qafikanê herre debara xo kena, a yew westaya peyênan yê qafikan ra yew a.
Suphiye Ozabay hîris û şeş serrîya xo ra nat qap û qafikanê herrine virazena.
Suphîye nika 51 serrî ya û wazena nê karê destî bimusno ciwanan ke no kar vindî nêbo û dewam biko.
A seba viraştişê beroş, tas û qafikanê herrinan, verê cû herra xo kena bêjinge ra, qûm dekena herra xo û lingandê xo ya stirena.
Wexto ke weş nerm bena, kena tenûre û dîzikan, beroşê tirşikî, qap û qafikanê mitbexî û tayn çîyanê xemilnayişî virazena.
Viraşteyê xo zuwa kena û înan kena adirê firine mîyan. Dima vejena, boya kena û reyna kena tenûre.
Suphiye Ozabaye derheqê karê xo de wina va: "Wexto ke ez şeş serrî bîya, wayanê mi nê çî viraştenê û mi zî ê temaşe kerdênê, ez wina musa. Ma herre kenê bêjinge ra û amade kenê. Ma qûm û herre têmîyan kenê û dima linganê xo ya dasnenê.
Wexto ke zuwa benê ma înan kenê adirê firine mîyan. Dima vejenê înan boya kenê û reyna kenê tenûre."
Suphiye Ozabay qezaya Bêdlîsî Motkan de nê karî kena û bi nê karî debara xo kena û viraşteyanê xo erşawena Amed, Xarpêt, Êlih, Wan û Bedlîsî û bazaran de roşena.
