Cayanê sey Anqara, Îstanbul û Îzmîr, 32 bajaran de îdarekarê DEM Partî zî mîyan de seyan kesî ameyî girewtiş.
Îstanbul de çarçiwaya tehqîqatêkê Serdozgerîya Komare ya Îstanbulî de îdarekarê Rêxistina DEM Partî ya qezayanê Esenyurt û Başakşehîrî zî tede 11 kesî bi îdîaya 'propagandaya rêxistine' ameyî tepiştiş. Derheqê 6 kesanê bînan de zî bira destbendkerdişî est a.
Tekîrdag, Bursa, Çanakkale û Kocaelî de polîsan eşt xeylêk keyeyan ser û Tekîrdag de 9 kesî destbend kerdî.
Îzmîr de zî serê sibayî sereştişan de Aktîvîsta Tevgera Jinên Azad (TJA) Emine Înan, hemserekê Komeleya Paştdayîş û Hetkarîye ya Merdimanê Vînkerdeyan (ANYAKAYDER) Rahime Turan û Mikail Atan û îdarekara komele ya bajarî Zarife Sungur ameyî girewtiş.
Wezîrê Karanê Zereyî yê Tirkîya Alî Yerlîkayayî hesabê xo yê Xî de pare kerd ke hetanî nika 32 şaristanan de 208 kesî ameyî destbendkerdene.
