Parlamenreta DEM Partî ya Dêrsimî Ayten Kordu seba ke wa nameyê Dêrsimî peyser bêro îadekerdiş Meclîs de waşt wa wa qanûn bêro vurnayîş (bedilnayîş)
Nameyê Dêrsimî bi ronîyayîşê Komara Tirkîya sey "Tunceli" ame vurnayîş.
Ayten Kordu meclîs de derheqê tekîlîfê qanûnî ke aye hadre kerdo va" Dêrsim bi Tanzîmatê serra 1879î sey ‘Dêrsim’ ameyo mojnayîş. Demedê Komara Tirkîya de nameyê ci bîyo ‘Teşkîlatê Wîlayetê Munzurîn’ hetanî serra 1935î pêroyê belgeyanê dewlete yê resmîyan de name "Dêrsim" vîyareno. La Wezîrê Karanê Zereyî yê ê wextî Şükrü Kaya waşto wa nameyê Dêrsimî bibo ‘Tunceli’. 25ê Kanûna 1935î de nameyê Dêrsimî bîyo "Tunceli" Bi nê nameyî îradeyê şarê Dêrsimî ameyo çînkerdiş.
Kordu, da zanayîş ke serra 1937î de Seyîd Riza û hevalê ey ameyê îdamkerdiş û wîna va:
“Lazim o nameyê Dêrsimî peyser bêro îadekerdiş. Çimkî nameyê Tunceli yeno manaya terteleyê Dêrsimî yê 1938î"
