Badê ke Serekê Şaredaryê Esenyurtî Prof. Dr. Ahmet Ozer ame tepiştiş, cayê ey de qeyum ame tayînkerdiş.
Serekê Şaredaryê Esenyurtî Ahmet Ozer çarçewaya tehqîqatê "endamîya PKKyî" de bi qerarê mehkema ame tepiştiş û erzîya hepisxane.
Serdozgerîya Komare ya Îstanbulî beyanatêko nuştekî da û va ke
Ahmet Ozer çarçewaya xebatanê ardimkerdişê endam û fealîyetanê PKKyî de ameyo tepiştiş.
Reyna polîtîkaya qeyûman
Ahmet Ozer badê ke ame tepiştiş, bi qerarê Wezaretê Karanê Zereyî yê Tirkîya wezîfeyê xo yê şaredarîye ra zî ame dûrvistiş û cayê ey de Qeyum ame tayînkerdiş.
Beyanatê wezaretî de vajîyeno ke, Ahmet Ozer sewbîya "endamîya rêxistina terorî ya çekdarî PKK/KCKyî" de ameyo tepiştiş û goreyê qanûnî sey tedbîrêko demkî kar ra ameyo dûrvistiş.
Wezaretê Karanê Zereyî yê Tirkîya reyna da zanayiş ke Ardimkarê Walîyê Îstanbulî Can Aksoy sey qeyumî tayînê Şaredaryê Esenyurtî bîyo.
Serekê Şaredarîya Esenyurtî Prof. Dr. Ahmet Ozer Wanij o û Vakurê Kurdistanî ra yo.
Seke zanîyeno Ahmet Ozer Esenyut de namzedê "têkilîya bajaranê" CHP û DEM Partî bi.
