Şewa bîne mabênê qezaya Çinarî ya Amedî û qezaya Şemrexî ya Mêrdînî de şewatêko zaf pîl vejîya .
Adiro ke kewt hêgayanê xeleyî demêk badê cû resa dewan. Şarê a mintiqa pê îmkananê xo dest ci kerd ke adir hewna bikero. Badê zî ekîbê Şaredarîya Dîyarbekirî ameyîcayê şewatî û dest bi midaxeleyê şewatî kerdî.
Walîyê Amedî Alî Îhsan Su aşkere kerd ke rîyê adirî ra 5 tenî merdî.
Heto bîn ra vajîyeno ke hezaran gandarî zî adir de merdî.
Adir gêrîya binê kontrolî
Goreyo ke pêhesîya nêzdîyê serê sibayî adir gêrîyayo binê kontrolî. Vajîyeno ke şewa bîne firtone warişto û adir rîyê virsikan ra vejîyayo. Adir tena cayêk de ney eynî wextî de 5-6 cayan de vejîya û semedo ke hêgayî huşk bî leza lez vila bi.
Foto: Amida Haber