QERS - Qers rojanê verênî yê serra neweye de binê tesîrê serdo cemidnayoxî de yo. Saetanê şodirî de termometreyî binê 17 derece nîşan da. Hewayo serd ra bajar cemidîya; heta awa germ o ke rişîya teber zî ca de cemidîya.
Bajar de camê erebeyan bi qeşayî girewtî, golî û dereyî cemidîyayî. Tayê şarî zî xalî, kilimî û betanî eşt ser erebeyanê xo ke înan serd ra bipawê.
Çemê Qersî yo ke merkezê bajarî ra vêreno zî nê serdî ra para xo girewte û cemidîya.
Şarî dîyar kerd ke Qers de serdê zemherî dest pêkerdo û va: "Serdî ra Çemê Qersî zî para xo girewte, ez nika pirde ser o ya ke têmîyan ra bajarî ra vêrena, lingê pirde zî bi qeşayî girewtê. No zî nîşan dano ke serd çiqas tesîrin o."
Heto bîn ra, ame zanayîş ke bajar de tesîrê hewayo serd do rojanê ameyoxan de zî dewam biko. Qers de germeya hewa şewe de binê 20, roje de zî binê 17 derece ameye peymitiş.
