Mehmed Olmez
Her serra ke yena, şîrketê telefonan modelanê neweyan vejenê pîyasa. No yew çerx o ke zaf kesan keno meraqdar û persanê muhîman vejeno meydan. Çira her serre yewna telefon vejêno û gelo no hewce keno? Ma do nê nuşteyî de na perse ser o vinderê û hem sebebanê nê çerxî hem zî hewcedarîya ey analîz bikê.
Verê, ma ganî sebebanê ci bizanê ke çira her serre telefonê neweyî vejenê:
1. Averşîyayîşê Teknolojî: Her serre teknolojî aver şina û vurnayîşê neweyî vejêyenê meydan. Şîrketî wazenê nê vurnayîşan dekerê telefonanê xo.
2. Reqabetê Bazarî: Şîrketî wazenê ke tim aver de bê û raqîbanê xo pey de verdê. Coka her serre heme modelanê neweyan vejenê ke pey de nêmanê.
3. Marketîng û Reklam: Modelê neweyî, şîrketan rê îmkan danê ke nameyê xo tim rojeve de verdê.
4. Waştişê Mişterîyan: Zaf kesî wazenê ke hertim telefonê tewr peyên û yewr modernî bixebitno.
5. Ekonomîyo Dewamkerde: Rotişê telefonanê neweyan, şîrketan rê kar ano û înan rê îmkan dano ke xebatanê xo dewam bikerê.
Nê sebebî raşt ê, labelê gelo her serre yewna telefon hewce keno? Na persêka zaf muhîm a û ganî ma ney ser o vindê.
Hetêk ra averşîyayîşê teknolojî muhîm o û telefonê neweyî eşkenê hîna zaf fonksîyonan pêşkêşê ma bikerê. Mesela, kamerayê hîna başî, bataryayê ke hîna zêde ramenê yan zî taybetîyê hîna xurtî eşkenê cuya ma de zaf çîyan asan bikerê.
Labelê, hetêko bîn ra, zaf rey telefonê ke neweyî vejêyenê, tede vurnayîşê zaf muhîmî çin ê. Zaf rey vurnayîşî qijek ê û nêeşkenê mişterîyan îkna bikerê ke telefonanê xo bi yê neweyî bivurnê.
Nînan ra teber, vetiş û rotişê telefonanê neweyan her serre problemanê ekolojîkan zî vejeno meydan. Her serre bi mîlyonan telefonî benê eşte û no zî benê sebebê xirabîya dormeyî. Coka, tayê kesî vanê ke ganî telefonî hîna zêde bêrê xebitnayene û her serre yewna telefon nêro girewtiş.
Netîce de, vetiş û rotişê telefonanê neweyan her serre, hem faydeyin ê hem zî zerarê xo est ê. Faydeyê ey averşîyayîşê teknolojî, averşîyayîşê ekonomî û pêşkêşkerdişê fonksîyonanê neweyan ê. Zerarê ey zî zêdebîyayîşê eşteyanê elektrîkan û tesîrê xirabî yê dormeyî yê.
Coka, ma sey mişterî ganî baldar bê û goreyê hewcedarîya xo biryar bidê. Eke telefonê ma hema xebitîyeno û karê ma vîneno, belkî hewce nêkeno ke ma her serre telefonê xo bivurnê. Labelê eke ma raşta zî hewcedarê fonksîyonanê neweyan ê, o wext ma eşkenê modelê neweyî biherînê.
Peynî de, çira her serre yewna telefon vejêno, sebebî zaf ê. Labelê gelo hewce keno? Na persêk a ke her kes goreyê xo şêno cewab bido ci. Muhîm o yê ke ma hem faydeyê teknolojî bigîrê hem zî baldarê tesîrê ey ê dormayî bê.
