Hemverfekê Komîsyonê Ziwanî yê DEM Partî Cemîle Tûrhalli – Heval Dilbihar semedê ziwanê Kurdkî beyanatêk dayê û waştê wa ziwanê Kurdkî (Zazakî-Kurmanckî) bibo ziwanê fermî û perwerdeyî.
Beyanatê Komîsyonê Ziwanê Ziwanî yÊ DEM Partî cêr de yo;
Ziwanê kurdkî ziwanêko tewr qedîm û zengîn ê merdimî yo. Sey rûmetê merdimî yê bingeyîn o. Tarîxê merdimîye de seba ziwananê bînan rê bîyo çimeyêkê bingeyî. Ziwanê kurdkî estbîyayîş, xobîyayîş, nasname û rûmetê bingeyî yê neteweya kurdî yo. Etîr û sîwana yewîya şarê kurdî yo. Bê ziwanê kurdkî, kurd û Kurdistan zî nêbeno. Seba nê rastîyan ke bi seserran hêzê ke wazenê kurd û Kurdistanî orte ra wedarnê, hewl danê ke ziwanê kurdkî çin bihesibnê, asîmîle bikerê, qedexe bikerê derûdorê ci bigîrê û tewir bi tewir metodan reyde orte ra wedarnê. Labelê hem qedîmbîyayîşê ziwanê kurdkî ver o hem zî wayîrvejîyayişê şarê kurdî ver o ziwanê kurdkî heta ewro ame. Bi xususî netîceyê têkoşînê azadîya şarê kurd ê nê 50 serran de hetê hişmendî, hewldayîş û xebatanê pawitiş, ganîkerdiş û averberdişê ziwanê kurdkî ra zî vêşî bîyê.
Bêşik nê rastîyan teber, rastîyê bînî zî est ê ke roja ma de zî bi metodanê cîyayan hewl yeno dayene ke ziwanê kurdî bêro dormaregirewtiş, sînordarkerdiş û mîyanê demî de zî bêro helênayiş. Vindertişê ma yê Partîya DEMî yê seba pawitiş û averberdişê ziwanê kurdkî bi hewayêkê zelale dîyar o. Ziwanê kurdkî sey îngilîzkî, almankî, erebkî, fariskî, tirkî û heme ziwananê bînan wayîrê heme heqê bingeyînî yo. Heqê nê ziwanan çi bibê, yê heqê ziwanê kurdkî zî ê yê.
No semed ra zî, ma Partîya DEMî sey îradeyê bi mîlyonan kurdan serbestî û azadîya ziwanê kurdkî her war de wazenê û seba ey zî ma têkoşîn kenê. No semedê ma xetêka sûr û ma tira qet fek veranêdanê.. No semed ra ma perwerdeyê bi ziwanê kurdkî wazenê. Ganî ziwanê kurdkî verdibistanan ra heta zanîngehan her warê fermî û komelkî de ziwanê kurdkî bibo serbest û azad bibo. Wa ziwanê kurdkî bibo wayîrê statuyêkê fermî. Seba ci zî çi hewce yo, ganî bêro kerdene.
Helbet seba pêameyîşê nê waştişanê şarê kurdî yê tewr merdimî û xobîyayîşî ganî verê cû şarê kurd, heme dorûverê azadîwaz û şorişgêr, demokrat û merdimparêz û heme partî, sazgeh, dezgeh û rêxistinanê komelkî, tevgerê ciwan û cinîyan yê komelkî, heme sîyasetmedar û nuştox, hunermend û roşnvîr her wext û her war de têkoşînê xo seba ziwanê kurdkî bi rengêkê tewr şênber berz û bihêz bikerê; bi xebat û çalakîyanê afirnayoxan tewir bi tewir her ca de bikerê keye, wendegeh û zanîngehanê kurdî; kurdkî bander bibê, bander bikerê û bidê banderkerdene.
ZIWANÊ KURDKÎ ESTBÎYAYÎŞ Û XOBÎYAYÎŞÊ ŞARÊ KURDÎ YO!
SEBA ZIWANÊ KURDKÎ HER DEM TÊKOŞÎN, HER CA DE TÊKOŞÎN!
DEM DEMÊ ZIWANÊ KURDKÎ YO!
Cemîle Tûrhalli – Heval Dilbihar
Hemverfekê Komîsyonê Ziwan û Kulturî yê Partîya DEMî
11 Sibat 2024