Kabîneya Tirkîya ewro Anqara de, paytextê Tirkîya de, bi serekîya Recep Tayyîp Erdoganî kom bena.
Meseleyê tewr muhîmî maaşê tewr kêmî û bîyayîşê Sûrîye de yê.
Kabîneya Tirkîya ewro saete 15:00 de bi serekîya Serekkomarê Tirkîya Recep Tayyîp Erdoganî Anqara de kom bena.
Kombîyayîşê kabîne de meselaya sereke zêdekerdişê maaşê tewr kêmî yo ke demêko derg o rojevê Tirkîya de yo.
Ganî 1ê Kanûna Peyêne ya 2025î ra ver maaşê newe yo tewr kêm bêro eşkerekerdiş ke nika 17 hezar û 2 lîre yo.
Sendîkaya karkeran TURK-Îşî da zanayîş ke karkeran seba maaşê newe yê tewr kêmî 29 hezar 583 lîre waşto.
Sendîkayanê karkeran, karkeran û hukmatî heta nika 3 kombîyayîşî kerdî la pêkerdişêk nêvirazîya. Kombîyayîşê çarinî do no hefte de bêro kerdiş.
Heto bîn ra bîyayîşê peyênî yê Sûrîye û Rojavayê Kurdîstanî zî rojevê kabîne de yê.
Do bîyayîşê peyênan dir têkilîya îdareyê neweyî yê Sûrîye û agêrayîşê koçberan ser o qisey bêro kerdiş.
Pawîyeno ke Erdogan dima kombîyayîşê kabîne yew kombîyayîşê medya virazo û qerarê kabîne raya pêroyî rê eşkere biko.
