Şaredarîya qezaya Dêrsimî Qisle 15 personelê xo gure ra vetî. Şaredarîya Qisleyî destê CHP de ya û şaredarî sey bahane zî “Xirabbîyayîşê rewşa Malî" mojna.
15 karekeranê Şaredarîya Qisleyî rê ewro xebere amey erşawitiş û înan ra ame vatiş ke, şaredarî ê gure ra veto.
Teblîgat de ame vatiş ke, rewşa şaredarî hetê madî ra bîyo xirabin, nêeşkena êdi heqê karkeran bido û coka dest ci kerda ke personelan gure ra vejo.
Serekê Şaredarî Qisleyî Ali Emrah Tekinî verê weçînayîşê mehelî soz dabi ke o do karkeran gure ra nêvejo, wayîrê heqanê înan vejîyo.
Seba ke Dêrsim hetê karî ra cayêko apeymende yo, nika karkerê ke betal mendê bêçare fiikrîyenê ke do se bikerê.
