Dewaya kişyayîşê arêkerdoxê kaxitan Recep Hantaşî de polîso kiştox ceza nêgirewt.
Recep Hantaş 14ê Nîsana 2019î de Amed de gama ke kuçeyan ra semedê debara keyeyê xo kaxitî dayêne arê, hetê polîsan ra amebi kiştiş.
Dewaya ey de derheqê polîs Kazım Bozkurtî de qerarê beraatî amebi dayîş. Badê cû mehkema qerarê beraatî betal kerd û polîs Kazım Bozkurt newe ya ame muhakeme kerdiş.
Dewa ewro Mehkemeya Ceza ya 7in ya Amedî de amey kerdiş. Keyeyê Hantaşî, avukatê ey û temsîlkarê İHDyî zî ameyî mehkema.
Polîsî reyna ceza nêgirewt
Polîs Kazım Bozkurt nêame mehkema û newe ra îfadeyê xo de îdîa kerd ke, ey Hantaş nêkişto, guleyo ke nîyayo pa nêzîyeno û eke pê guleyê ey kişîyayo zî no meşrû mudafa yo.
Avukatanê Hantaşî ra Mehmet Öner, Yakup Güven û Ercan Yılmazî waştê wa polîs bi sûcê “Bi qestî kiştişê merdimî” ra ceza bigîro.
Labelê heyetê mehkema qerar de ke wa ceza nêdîyo Kazım Bozkurt. Mehmema qerarê xo de va “Rîyê Hantaşî demê serebûtî de piştî bi. Polîsan o îqaz kerdo la o remayo. Coka qebeheqê polîsan çin o”
Bi no qayde yewna kişîyayîşê ciwanê Kurd de “qebehatê” polîsan çin o!