Goreyê îdianameyo ke hetê Serdozgerîya Komare ya Amedî ra ameya hadrekerdiş de semedê datê Narîne Salîm Guran, dayîka aye Yuksel, kekê aye Enes û cîranê înan Nevzat Bahtiyar cezaya heta hetayî yena waştiş.
Her çarî ewro semedê dewa neqlê Edlîyeya Dîyarbekir bîyê.
Goreyê îdianameyî Salîm Guran, Yuksel Guran, Enes Guran û Nevzat Bahtiyar, “hemkarîya kişyayîşê tutan” ra yenê sûcdarkerdiş.
Dewa ewro Dadgeha Cezayê Giran a 8ine ya Amedî de yena vînayîş.
Derheqê 22 kesan de qerarê “bi zor ardiş” ame dayîş.
Bê 4 kesanê ke zere de yê 22 kesê bînî ke verê cû dosya de îfade dabî zî ameyî mehkema.
50 baro û siyasetmedarî zî dewa teqîb kenê
50 baroyê Tirkiya zî salona mehkema de dewa teqîb kenê.
Parlamenterê DEM Partî û temsîlkarê sivîlî zî beşdarê dowa bîyê.
NameyÊ CHP ser Hetkara Serekê CHPyî Asu Kaya û Parlamenterê CHP yê Amedî Sezgîn Tanrikulu zî salona mehkema de yê.
Se bibi?
Narîn Gurana 8 serriye 21ê Tebaxe de Diyarbekır de vîdî bîbî.
Wezîrê Karê Zereyî yê Tirkiya Alî Yerlîkaya roja yewşeme (8ê Êlule) îlan kerd ke cesedê Narîn Gurane ameyo vînayîş.
Waliyê Diyarbekırı Murat Zorluoglu zî eşkera kerd ke cesedê Narîne yew çuwale de û binê kerrayan ra vejiya.
Cesedê Narîn Gurane yew çuwale de nêzdiyê yew çemî de, hetê yew dewe ra vejiya.
Goreyê raporê verênî, cesedê Narîne 15 rojî awe de mendo û çokê aye şikîyayo.
Badê ke cesedê Narîne vejiya, 3 savciyê cumhuriyetî ameyî wezifedar kerdiş û 25 kesî, tede may, pî, dat û birayê Narîne zî, ameyî tepiştiş.
