Çarçewaya tehqiqato ke Diyarbekir de dest pêkerdo de, Endama Heyetê Weşanî ya Kovara Jineolojî Rojda Yildiz ameya tepiştiş.
Çarçewaya tehqiqato ke Serdozgeriya Komariye ya Diyarbekiri serra 2022 de dest pêkerdo de, roja 24ê Êlule de Diyarbekir de polisan eştbî bînaya Komela Cigêrayîşanê Ziwan û Kulturê Mezopotamya (MED-DER) ke xebatanê ziwanê kurdki kena û bînaya Payîz Pirtûk ser.
Sereştişan de polîsan dest na xeylê kitab, kovar, rojname û malzemeyê dijitalî ke zafêrîya xo bi kurdkî bîy ser. Qerarê nimiteyî tehqîqatî ser esto û heta nika 29 kesî çarçiwaya tehqîqatî de ameyê tepiştiş.
Wayîrê Payîz Pirtûkî veradîyayo
Çarçiwaya tehqîqatî de vizêr (25ê Êlule) di kesê bîniî zî tepişîyayî. Ê kesan ra yew zî Endama Heyeta Weşanî ya Kovara Jineolojî Rojda Yildiz a.
Goreyê xebera Ajansa Mezopotamya, kesê ke tepişîyayê Midurîyetê Emnîyetî yê Dîyarbekirî de yenê tepiştiş.
Wayirê Kitabxaneyê Payîzî Cihat Guney badê ifadeyî vizêr ame veradayîş.
Karê îfadeyî yê 29 kesan zî dewam keno.
