Fîlmê Barbie Erebîstana Siûdî , Misir, û Îmarata Erebî de 31ê Tebaxe de amebi qedexekerdiş.
Fîlmê Barbie tewr peynî welatanê Fîlîpînlerî û Vîetnamî de amebi qedexekerdiş.
La nê rojan de qisey beno ke Herêma Kurdistanî de zî fîlmê Barbie do bêro qedexekerdiş.
Midûrê Sînemaya Hewlêrî yê Herêma Kurdistanî Şaxewan Mustafa zî vano, "Semedê qedexekerdişê fîlmî hema ma rê çîke nêameyo vatiş. La beno ke qedexe zî bibo."
Mustafa vano, "Fîlm zaf welatanê Ereban de ameyo qedexekerdiş. Semedo ke mîyanê fîlmî de tay sehneyî estî û vajîyeno ke gedeyan ser o tesîro xirab keno ma zî qayîlê wa qedexe bibo. Ma zî qayîl ê wa fîlm nêro mojnayîş. Eke ma rê talîmat bêro ma do qirarê qedexeyî vejê! Ma zî cad kenê ke wa fîilm bêro qedexekerdiş."
Fîlmê Barbie
Filmê Barbie 21ê Temûza 2023î de bi destê Amerîkayijan ameyo antiş. Tedeyê fîlmî romantîk û komedî yo. Derhênera fîlmî Greta Gerwig ya, senaryo zî Noah Baumbach nuşto.
