Parlamenterê HÜDA-PARî yê Entabî Şehzade Demirî paştî da Wezîrê Perwerdeyî ya Millî ke vano, wa gedeyê kênayînî û lajî pîya yew sinife de ca nêgêrê.
Parlamenterê HÜDA-PARî vano, "Wa perwerdeyo têmîyan kesî rê nêro ferzkerdiş. Wa mektebê tena semedê kênayan zî lajan zî bibê."
HÜDAR-PAR ke nêwazeno wa kênayî û lajî şêrê eynî mekteb xebatan keno. Semedo ke Wezîrê Perwerdeyî ya Millî yê Tirkîya vato, beno ke kênayî û lajî nêşirê yew mekteb, HÜDA-PAR zî dest bi teşebusan kerdo.
Şehzade Demirî îna vano, " Eke yew keye wazeno wa qijê înan têmîyan perwerde nêvîno, gereke bieşko qijê xo bişirawo sinifa kênayan yan zî lajan. Ma rast nêvînenê ke kênayî û lajî pîya yewca de ronişê û derse bigîrê. Gereke sinifê înan cîya bê û nêrê têhet."