Çemê Sarimî mabênê Çewlîg û Dîyarbekirî de ca gêno û dewlete semedê viraştişê HESî şîrketêk dir pêameyîş kerdbi. Şarê a mintiqa xo ver da û projeya virastişê HESî amey îptalkerdiş.
Mehkemeya îdarî ya berze ya 2. ya Erzurumî, qerarê îptalî da projeyê HES'î ke waştêne Çemê Sarımî ser o virazê. Çemê Sarimî ser o zaf nebatê endemîkî û tewirê gandarî estê.
Şaro ke dormeleyê Çemê Sarimî de cuyeno, semedê îptalkerdişê santralê hîdroelektrîkî (HES) ke waştêne Çemê Sarimî ser o virazê dewa kerdbi. Çemê Sarimî Qezaya mabênê Darahênî ya Çewlîgî û Qezaya Licê ya Diyarbekirî de ca gêno.
Badê keşfo ke mintiqe de ame kerdiş, Dadgeha Îdarî ya 2. ya Erzurumî qerarê îptalî yê projeyê HES'î da.
Ney ser o şîrketa ke waştêne uca de Santralê Hîdroelektrîkî ya Birsuyî virazo, Dadgeha Îdarî ya 2. ya Erzurumî rê muracat kerd ke wa qerar îptal bibo ke, ê uca de HES virazê.
Avukat Barış Yıldırım o ke Avukatîya dewaya ke vera projeyê HES'î abîyaya kerde, aşkere kerd ke, Dîwanê Dewlete qerarê redî dayo.
Barış Yıldırımî va: "Ma vera Projeyê Santralê Hîdroelektrîkî ya Birsuyî (HES) dewa akerdbi. Dadgeha Îdarî ya 2. ya Erzurumî qerarê îptalî dabi. Naye ser şîrketî semedê îptalkerdişê qirarî muracatê Mehkemeya Berze kerd, la Mehkema Muracatê şîrketî qebûl nêkerd. Wa no qerarÇewlîg û Diyarbekirî rê xeyrîn bo."
Enwer Yilmaz
