Goreyê vatena Serekê verênî yê Enstîtuya Kurdkî ya Stenbolî Eyyûp Subaşî, semedo ke tay xebatê derheqê kurdkî de kerdê, 6 serrî û 3 aşmî cezaya hepisî ci rê birîyaya.
2ê Teşrîna Verêne (Oktobre) 2023 de polîsan Îstanbul û Kirklarelî de eşt çend keyeyan ser û çend endam û îdarekerê Partîya Demokratîke ya Şaran (HDP), Kongreya Cemata Demokratîke (HDK) û dezgeyanê sîvîlan ameyî tepiştiş.
Serekê Enstîtuya Kurdkî ya Stenbolî yê wextê ey Eyyup Subaşî zî yew nê kesanê ke ameyî tepiştene ra bî.
Goreyê xeberea Botan Tîmesî, Subaşî qerarê mehkema "xebatê kurdkî sey suç qebul kerdê"
Goreyê melumatanê ke Subaşî dayê, qalîkerdişê ey yê kurdkî yê ke mabênê ey û embazanê ey yan zî hemkaranê ey de bîyê sebebê cezakerdişî:
"Seba ke ez "kitabanê qedexeyan" neşr kena nîşan dayo"
Eyyûp Subaşî îzah kerdo ke, qalîkerdişê ey yê derheqê atolyeyanê kurdkî de zî sey suç ameyê hespinayîş û wîna va;
"Ez telefonî de derheqê atolyeyanê kurdkî de qalî kena ke her kesî rê akerde yê û her kes zano. Telefonî de embazê mi mi rê vano, mîyanê kesê muracatê atolye kerdê Ewropa ra yê, Amerîka ra yê, başûr ra yê, rojhelat ra yê? No qalîkerdiş wina ameyo açarnayîş ke ma qiseykerdişêkp qedexe kerdê. Sey dezge her kes zano ke ma kitaban neşr kenê, ê qalîkerdişê mi yê ke mi çapxane de kerdê, xelet ameyê açarnayîş. Seke ez kitab û kovarê qedexeyan vejena û vila kena."
Serekê verênî yê Enstîtuya Kurdkî ya Stenbolî Eyyub Subaşî qeraro ke ameyo dayîş va "Çi heyf ke seba çîyanê winasîyan qerarêko ecêb o. Ma do vera nê qerarî mehkema rê muracat bikê."
