Serekê Amerîka Donald Trumpî roja Dişeme vatbi ke, Serekwezîrê Îsraîlî Benjamin Netanyahu do Washington zîyaret bikero û o plan keno ke Netanyahu reyde qisey bikero.
Trump teyarayê Air Force One de rojnamegeran rê qalê zîyaretê Netanyahuyî kerd, labelê wextê pêvînayîşê ribiriyî eşkera nêkerd, va ke pêvînayîş do wextêko zaf nêzdî de bibo.
Trumpî reyna va ke o wazeno ke hikmatê Misrî tayê filistînîyanê Xezze ra bigêro, ke zafaneyê înan operasyonanê leşkerîyanê Îsraîlî ra koçber bîyê.
Trumpî, Serekê Misrî Abdulfetah sey embaz name kerd û va ke werrekna ey zî tayê filistînî bigirotêne. Ma zaf ardimê înan kenê û ez bawer kena ke ê eşkenê ardimê ma bikerê.
Serekê amerîkayî derheqê filistînîyanê Xezze de va ke o wazeno filistînî cayo ke tede problem û şer û şîdet çin o de biciwîyê.
Trumpî reyna va ke ey roja Şeme bi telefon qralê Urdunî Ebdullah ra eynî waştiş kerdo.
Urdun xora keyeyê çend mîlyon filistînîyan o û Misir de zî bi des hezaran filistînî ciwîyênê. Her di welatan peynîya hefte de pêşnîyazê Trumpî red kerdbi.
