Semedê Serrgêra qetlîamê Roboskî ya 12ine Dêrsim û Amed de beyanatî dîyay û ame waştiş ke wa qetlîam bêro roşinkerdiş, hesab bêro dayîş.
Platformê Kede û Demokrasî yê Dêrsimî Meydanê Seyîd Rizayî de beyanat da çapemenî. Nameyê Platfomî ser o Esma Ate beyanat wend.
Esma Ateş va; "Her çiqas qetlîamî ser a 12 serrî vîyartê zî hema zî kesêk nêvejîyo mehkema vera. Semedo ke hesab nêaemyo perskerdiş badê cû zî wînasî qelîamê bînî zî ameyê kerdiş. Verê çimanê pêroyê dinya de Roboskî de 34 sîvîlî bi bombardurdamê teyarayan ameybî kiştiş. Mîyanê înan de 19 domanî zî estbî. Semedo ke wa no qetlîam bêro roşinkerdiş zaf teşebusî ameyê kerdiş. La nê teşebusan de ra tu netîceyêk nêameyo girewtiş. Ma xo vîrî ra nêkerd, nêkenê û ma do hesabê pêrûna qetlîaman pers bike.”
Dayîşê beyanatî ra dima semedê yadkerdişê Roboskî çilayî ameyî tafînayîş.
Amed de zî semedê Roboskî ameyî têhet
Platformê Kede û demokrasî yê Amedî zî parka Koşuyolî de beyanatêk da çapemenî. Sereka Odaya Tabîban ya Amedî Elif Turane beyanat wend û va; " Mabênê qetlîamî ra 12 serrî vîyaretê la hema zî kesêk nêameyo tepiştiş. "
