Mamosteyê Unîversîteya Dîcleyî Prof. Dr. Cenap Ekîncî yo ke Seba mesajanê xo yê derheqê rewşa Sûrîye û Rojavayê Kurdîstanî de amebi tepiştişî, ewro ame veradayîş.
Prof. Dr. Cenap Ekîncî bi îdîaya ke "propagandaya PKKyî kerda" seba parkerdişê ke platformê Xî ser o kerdê amebi tepiştişî.
Namzedê şarederîye bi
Prof. Dr. Ekîncî, weçînayîşê mehellîyan ê 31ê Adare de DEVA Partî ra namzedê Şaredarîya Bajarê Girdî ya Dîyarbekirî bi. Ekîncî, nê mesajanê xo yê ke hesabê Xî ra par kerdê ra tepişîyabi:
"Cumhurîyeta Vakurê Sûrîye. Kurdî, Erebî, Ordîya Sûrîya Azade, YPG. Dewletê ke nêresenê derya şansê cuyayîşê înan zaf zeîf o. Sînorî do Îdlîb û Tartus ra biresê Behra Sipîye. Tartus o ke Rusya do ci ra vejîyo, Halebê Vakurî, Îdlîb, Efrîn do dekewo dewleta neweye"
"7ê Teşrîna Verêne/30ê Teşrîna Peyêne... Peynîya nê her di fîlman do eynî bo... Mevajê ke şima nêhîşyar kerdî! Rojava"
Ekîncî yo ke nê vateyanê xo ra erzîyabi hepisxane ewro ame tehlîyekerdiş.
