Qezaya Riha Bêrecûk de ofîsê DEM Partî raştê hêrişê tay kesanê nênasan ame.
Ofîso ke taxa Meydanî de, kuçeyê Abdulkadîr Erdîlî de bî, saete 03.30 de raştê hêrişî ame.
Goreyo ke ame zanayîş pê çekan hêriş ameyo kerdene û 13 heb guleyî erzîyayê camanê bînaya DEM Partî. Semedo ke şewe bî kes bîna de çîne bi lebelê bîna de xesaro madî esto.
Heto bîn ra ame zanayîş ke birayê Mehmet Begitî, Halil Begit ewro hetê polîsan ra ameyo tepiştiş. Goreyo ke texmîn beno Birayê Mehmet Begîtî û merdimanê ey ofîsê DEM Partî dayê guleyan ver.
Gelo merdimê Mehmet Begît ê?
Weçînayîşê 31ê adare de DEM Partî Bêrecûk de se ra 56 rayî girewtî û bibî partiya yewine.
Mehmet Begît o ke endamê DEM Partî bi û lîsteya DEM Partî ra bibi serekê Şaredariya Bêrecûkî badê cû DEM Partî ra îstifa kerdbi.
Teşkîlatê Bêrecûkî yê DEM Partî zî wazeno wa Mehmet Begit îstîfa bikero, raydayoxanê DEM Partî rê xîyanet nêkero.
DEM Partî aşkere kerd ke merdimê Mehmet Begîtî partîya înan tehdîd kerdê û badê zî afîsê înan rê pê çekan hêriş kerdê.
Goreyo ke îdîa beno Mehmet Begîtî nika ra merdimê xo kerdê mîyanê beledîya û keno ke AK Partî dir pê bikero û şêro uca.