ZAZAKÎ NEWS - Çend dizdî ke Batman ra ameybi Roşanê Newroze yê Amedî ameybi tepiştiş. Ame zanayîş ke dizdan ra zafê xo cinî yê û 5ê înan digan ê.
Yew grûbe ke Batmanî ra ameybî pîrozkerdişê Roşanê Newroze yê Amedî de telefonan bidiznê, demêko kilm de hetê tîmanê Fermandarîya Buroya Dizîye ya Mudîrîyeta Şaxa Asayîşî ya Amedî ra bi wesayîtanê înan ameybî tespîtkerdiş.
Ame zanayîş dizde ke bi bahaneya beşdarîya roşanê Newroze ameybi bajar, dizdê telefonan bî. Ame zanayîş ke camêrdî zerrê wesayîtî de vindetênê, cinîyî kewtê mîyanê qelebalixî û telefonan dizênê.
Wexto ke dizdê telefonî waştênê biremê hetê polîsanê Amedî ra ameyê tepiştiş.
Operasyon de 14 dizdê ke 19 telefonî diznaybî ameyî tepiştiş.
Prosedurê emnîyetî ra dima, 14 kesan ra 9 kesî erzîyayê hepisxane.
5 cinîyê ke ame zanayîş digan bî zî seba na rewşa xo, bi cezayê hepsÊ keyeyî ameyî veradayîş.
