Qezaya Sêrtî Kurtalan de pêhesîya ke şeş cinîyê ke govende kay kerdê hetê polîsan ra ameyê tepiştiş. Goreyo ke îdîa beno, ê cinîyan wexto ke goveng kay kerdo propagandaya sîyasî kerdê. .
Qezaya Sêrtî Kurtalan ra vîdeoyêk medya dîjîtale ser ra ame vilakerdiş. Vîdeo de asîyeno ke çend cinîyî govende kay kenê. Naye ser ekîbê emnîyetî şîyê keyeyanê ê cînîyan û ê berdî nezaretxane.
Walîtîya Sêrtî zî deheqê mesele de beyanatê da û va: Roja 25.07.2024î platformê Xî de ma dîyo ke propagandaya PKK/KCK bîyo. Naye ser o ma nê kesî tepiştî û emnîyet de karê girewtişê îfadeyê înan dewam keno."
Mersîn û Agirî de zî rîyê govende ra çend ciwanî ameybî tepiştiş û erzîyaybî hepisxane.
Mêrsîn de 25ê Temûze de 9 tenî semedo ke wexto ke govende kay kerdêne ameybî tepiştiş û erzîyabî hepisxane.
Qezaya Agirî Bazîd de zî 6 kesê ke ameybî tepiştiş badê ameybî veradayîş.