Goreyê doneyanê CISSTî Tirkîya de 350 hezar û 670 mehkumî hepisxaneyan de estê. Hepisxaneyî kapasîteya xo ra se ra 18 zafêr dekerde yê.
Komeleyê Komelê Sivîlî yê Sîstemê Înfazê Ceza (CISST) çend rojî verî îstatîstîkê xo yê peyînî yê Hepisxaneyan aşkera kerd. Goreyê raporî Tirkîya de 403 Hepisxaneyî estê, kapasîteya nînan 295 hezar û 328 kesan gêna la tede 350 hezar û 670 kesî hepsî yê.
Goreyo ke ame zanayîş, Hepisxaneyan de cayanê hemparan de ranzayî ronîyayê û hepsîyî neçare manenê ke erdî ser de rakewê. Tayê tepişteyî bi hawayêkê dorkerdişî kewenê ra. Coka nêweşîyî zî peyda benê.
