ZAZAKÎ NEWS - Hemserekê DEM Partî Tuncer Bakirhan va: "Ma wazenê Ekrem Îmamoglu û hemê kesê ke ameyê tepiştiş ca de bêrê verdayîş."
Çarçewa cipersayîşê derheqê Şaredarîya Bajarê Girdî ya Îstanbulî de derheqê 105 kesan de qerarê tepiştişî ame dayîş.
Serekê Şaredarîya Bajarê Girdî ya Îstanbulî Ekrem Îmamoglu zî na çarçewa de ame tepiştiş.
Serekê Şaredarîya Şişlî Resul Emrah Şahan, şêwirmendê Îmamoglu yê çapemenîye Murat Ongun û rojnameger Îsmaîl Saymaz zî ameyî tepiştiş.
"Ma nê bêheqîye red kenê"
Hemserekê DEM Partî Tuncer Bakirhan hesabê xo yê Xî ra vera nê tepiştişan reaksîyon nîşan da û va:
"Ma na bêheqîya ke vera îradeya şarî de ameya kerdene red kenê û şermezar kenê."
"Ma wazenê Ekrem Îmamoglu ca de bêro verdayîş"
Tuncer Bakirhan waşt ke Îmamoglu û kesê bînî bêrê verdayîş û wina va:
"Ma sey DEM Partî vera hemê tewir tahdeyanê ke sîyaseta demokratîke ser o yê vindenê.
Ma vanê ke, ma hetê şarê Îstanbulî û hemê beşanê ke Tirkîya de têkoşîna demokrasîye danê de yê.
Ma wazenê Ekrem Îmamoglu û hemê kesê ke ameyê tepiştiş ca de bêrê verdayîş."
