Bajarê Xarpêtî de 120 keyeyê ke erdlerzî ra zerar dîyo konteynera ra yenê vetiş.
6ê Sibate 2023î de bajarê Mereşî de erdlerzêko gird bi dereca 7.7 bi.
Nê erdlerzî tesîrêko gird bajaranê sey Dîlok, Xarpêt, Meletî, Semsûr û Riha yê Vakurê Kurdistanî ser o kerd.
Nê erdlerzî ra tepîya nê bajaran de hezaran keyeyî rijiyayî û şarî konteyneranê İdareya Felaket û Rewşanê Acîlan (AFAD) de ca bîyî.
Xarpêt de şar konteynera ra yeno vetiş
Kesê ke erdlerzî ra zerar dîyo pêser ameyî û qararê vetişî ra konteyneran protesto kenê.
Goreyê vatişê şarî, bê ke cayêko newe înan rê bêro diyarkerdene, bi zor înan konteynera ra vejenê û nêzanenê şêrê kamca.
Îbrahîm Hakkı Încel, o ke erdlerzî ra zerar dîyo, vano:
"Di hefteyî yo ke wazenê ma Taxaya Kırklari de konteyneranê AFADî ra vejê.
Wazenê cayê ma de mehkûmê ke bi şertê çimvirnayişî veradiyayê yan zî mehkûmê ke şaredarîye de xebitînê ca bikerê. No hal do bibo sebebê mexdûrîyeta ma."
Zafaneyê keyeyanê ke konteynera de ciwîyenê feqîr û bêçare yê û wazenê ke no mesela çareser bibo.
AFADî zî îlan kerd ke qararê veng kerdişê konteyneran hetê Wezaretê Karê Zereyî yê Tirkîya ra ameyo dayîş û eleqaya xo ardişê mehkûman ra çin a.
