ZAZAKÎ NEWS - Duzgun Baba ke seba Kurdanê Elewîyan yew cayêko bimbarek o de bi çekan pêrodayîş vejîya. Pêrodayîş de Yaşar Seyrek û birazayê ey Denîz Seyrek ameyî kiştiş.
Huseyîn Yaman o ke dat û birazî kiştî, ame tepiştiş. Pêrodayîş, nêzdîyê yew cemxaneyo ke kişta koyê Duzgun Babayî de ca gêno de vejîya.
Goreyê îdîayan, verê di rojan Yaşar Seyrek o 56 serrî û birazayê ey Denîz Seyrek o 23 serrî Huseyîn Yaman o 47 serrî reyde seba yew sebebo ke nêno zanayîş de minaqeşe vejîya.
Vizîr zî minaqeşe dewam kerd û Yaman bi demançeyî guleyî eştî serê Yaşar Seyrekî û sîne û qirikê birazayê ey Denîz Seyrekî.
xeberdayîşê dewijan ser, cendirme û tîmê weşîye şîyî cayê hedîseyî.
Ekîban Denîz Seyrek o ke bi giranî birîndar bîbî berd nêweşxaneyê Dewlete yê Dêrsimî.
Derheqê pêrodayîşî de tehqîqat dîya dest pêkerdiş.
