Walîyê Amedî Alî Îhsan Su aşkere kerd ke o teqawid bîyo, DTSOyî zî va, “Ma heqê xo helal nêkenê.”
Walîyê Amedî Alî Îhsan Su aşkere kerd ke o teqawid bîyo ewro beyanatêk da ke o teqawid bîtyo û va:
“Ez 25ê Hezîrane wazîfeyê xo yê Walîtîya Amedî teqawid bena. Şima ra wazena heqê xo helal bikêne."
Badê beyanatê ey Odaya Sanayî û Bazirganî ya Amedî (DTSO) zî beyanatêk vila kerd.
“Ma heqê xo helal nêkenê”
DTSOyî da zanayîş ke walîyî zaf kar û gureyê înan asteng kerdê û va , “Ma heqê xo helal nêkenê, ma to hewaleyê homayî kenê.”
DTSOyî beyanatê xo de va, ke, Alî Îhsan Su nêverdayo gelek projeyê înan ê semedê averşîyayîşê bajarî bêrê ca û Walî averşîyayîşê Dîyarbekirî asteng kerdo.
DTSOyî da zanayîş ke Alî Îhsan Su nêverdayo siteyê sanayî biberê teberê bajarî, nêverdayo wa karsazî Amed de karanê hewlan bikê kerdo ke Merkezê Înovasyonî yê Gastroyî bêro girewtiş, projeya tramvayî asteng kerdo, nêverdayo ke Amed de merkezêkê fuaran o newe bêro viraştiş.
