Serekê Şaredarîya Girde ya Îstanbulî (ÎBB) Ekrem Îmamoğluyî, semedo ke bibo namzedê serekkomarî yê Partîya Komare ya Şarî (CHP) muracatê xo kerd.
Nameyê Îmamoğluyî ser avukate ey Mehmet Pehlivan muracat kerd.
Avukat Pehlivanî, belgeyê muracatî yê namzedîya Îmamoğluyî, Hetkara Serekê Pêroyî ya ke Weçînayîş û Karê Huqûqê Zereyê Partî ra Mesûl a Gul Çîftçî rê pêşkêş kerd.
Wextê muracatî de, Parlamenterê CHPyî yê Îstanbulî Turan Taşkın Ozerî zî Pehlivanî reyde bi.
Ekrem Îmamoğluyî, platformê Xî ra derheqê muracatî de beyanat da û wîna va
"Ma şarê xo reyde ke heqê cuya însanî, azadî, edalete, refahî û yewbîyayîşî wazeno, rayîrêk ra şinê. Ma rayîr de yê ke dewleta ma demokratîk û bihêz, şarê ma dewlemend û rehet, hemwelatîyê ma seyyewbîn û azad bibê. Ma do demokrasîya parlamenterî, cîyabîyayîşê hêzan û mekanîzmayê denge û kontrolî, wextêko kilm de bîyarê ca.
