Serekê Parlamentoyê Tirkîya Numan Kurtulmuş va ke, 8ê Teşrîne de "tehdîdanê Îsraîlî" yê Tirkîya ser o parlamento yeno pêser.
Çend rojî verê cû, Serekkomarê Tirkîya Recep Tayyîp Erdogan yew qalê xo de vatbi ke Îsraîl, Lubnan ra dima do çimanê xo bivisno erdanê Tirkîya ser.
Naye ser, serekwekîlê CHPyî Murat Emîr waştbi ke parlamento kom bo.
"Ganî Tirkîya hişyar bo"
Numan Kurtulmuş derheqê na mesela de:
"Bi rayîrê rêxistinanê terorî wazenê Tirkîya mecbur bikerê. Ma zanê kam çi yo û kam game çira erzena.Îraq û Sûrîye de bêîstîqrarîye çiman ver de ya. Ganî Tirkîya nê sebebî ra hişyar bo.Tirkîya yew welato gird o ke mintiqe de ser linganê xo vinderto. Na yew mesela ya ke sîyaset ra cor a, yew meselaya neteweyî ya. Parlamento do roja sêşeme, 8ê Teşrîne de kom bo
Serekkomarê Tirkîya Recep Tayyîp Erdoganî vizêr Edene de merasîmê TEKNOFESTî de yew qalîkerdiş kerdbi û behsê êrişanê Îsraîlî yê Lubnan û Sûrîye ser o kerdbî.
Recep Tayyîp Erdogan derheqê tehdîdanê Îsraîlî de vatbi:
"Ma nêverdanê ke bi yew Sykes-Picotê neweyî erdê ma bêro letekerdene."
