ZAZAKÎ NEWS - Parlamenterê DEM Partî yê Agirî Sirri Sakik Meclîs de wexto ke bi kurmancî qisey kerd, mîkrofonê ey ame padîyayîş.
Parlamenterê DEM Partî yê Agirî Sirri Sakik Meclîs de qisey kerd û cayêkê qiseykerdişê xo bi kurmanckî qisey kerd. Sirri Sakik demo ke waşt kurmancî qisey bikero, mîkrofonê ey hetê Meclîsî ra ame girewtene û qiseykerdişê ey o kurmancî ame astengkerdene.
Naye ra dima Sirri Sakik razînêbîyayîşê xo vera astengkerdişê ziwanê Kurdkî mojna.
Serekwekîla DEM Partî Gulistan Kiliç Koçyîgît zî nêrazîbîyayîşê xo vera astengkerdişê ziwanê Kurdkî ya Meclîsî de mojna û waşt ke êdî nê astengî û qedexeyan biqedinê.
Proseso winasîn de ke seba aştî û çareserkerdişê meseleyê kurdî ser o nîqaşî kerdene û her kes paweyê çareserî yo, reyna ziwanê Kurdkî Meclîs de yeno astengkerdene û hema zî nîzamnameyî de sey “ziwanêko nêyeno zaneyene” yeno nuştene.
