ZAZAKÎ NEWS - Serek Mesûd Barzanî Newroza Amedî rê mesaj erşawit û va, "Ez hêvî kena Abdullah Ocalan demêko nêzdî de azad bibo,"
Newroza Girde ewro Ameda Bakurê Kurdistanî de yena pîrozkerdiş û şar qada Newrozî ser herikîyeno.
Adirê verên yê Newroza emsere 12ê Adarî qezaya Licê ya Amedî de ame wekerdiş û pîrozîyan heta ewro dewam kerd.
Ewro zî dora Newroza Girde ya Amedî ya, şahî Parka Newrozî de yena viraştene.
Endamê Polîtburoya Partîya Demokrate ya Kurdistanî (PDK) Serbest Lezgîn û Vatoxê Serekatîya Herêma Kurdistanî Dilşad Şehab zî beşdarê Newroza Amedî bîyî.
Serbest Lezgînî mesajê Serek Barzanî wend.
Serek Mesûd Barzanî mesajê xo de va:
"Ez hêvî kena Abdullah Ocalan demêko nêzdî de azad bibo
Newroza her çar parçeyanê Kurdistanî pîroz kena.
Ma piştgirî danê pêvajoya çareserî û aştîye
Aştî tenya rayîra raşte ya derbazkerdişê probleman a
Ma hêvî kenê Sûrîye de peynî êş û ezîyetanê Kurdan bêro"
