ZAZAKÎ NEWS - Serekwezîrê Herêma Kurdistanî Mesrûr Barzanî çarçewa ahengê Newroza Akrê de va: Newroz ma rê ano vîr ke zilm û zordarî heta peynî nêbena û eger miletek seba azadîye xebate bikero, do azad bibo.

Serekwezîr Mesrûr Barzanî hesabê xo yê mesya sosyale de nuşt: "Newroz ano vîr ke zilm çi rey heta peynî nêşkeno dewam bikero û eger miletek seba azadîye xebate bikero, do peynîye de azad bibo.

Efwrrsaddsf (1)Bi amadebîyayîşê Serek Barzanî û Serekê Hukmatê Herêma Kurdistanî Mesrûr Barzanî û hûmarêka girde ya balyoz, konsul, dîplomat, nûner, heyetê dîplomatîkî yê welatan Îraq û Herêma Kurdistanî de û beşdarbîyayîşê bi hezaran welatî û turîstan reyde, Kernevala  Roşanê Newroze şewa bîne (Pancşeme, 20.03.2025) Paytextê Newroze Akrê de ame dest pêkerd.

Serekwezîrê Herêma Kurdistanî Mesrûr Barzanî pîrozbayîye de va: "Newroza emsere seba ma zaf taybete ya çunke Pêşmerge û Serwer û Rêber Serek Barzanî ma reyde beşdarê na ahenge bîyo."

Serekwezîrê Herêma Kurdistanî yew sipasîyêka taybete pêşkêşê şarê Akrê kerd û va: "Her serre şarê Akrê organîzekerdişê ahenga Newrozî de zaf xircilyeno, reyna dîmenê rindekê Akrê nawneno hemê dinya û teber ra hezaran mêmanan keno mêmam."