Newroza Girde ewro Amed de amey pîrozkerdiş û şar Meydanê Newroze kerd pirr
Adirê verên yê Newroza emsere 12ê Adarî qezaya Licê ya Amedî de ame wekerdiş û pîrozîyan heta ewro dewam kerd.
Ewro zî dora Newroza Girde ya Amedî bî, şahî Parka Newroze de amey viraştene
Roşanê Newroze ya Amedî bi organîzatorîya Partîya Herêmanê Demokratîkan (DBP), Hereketê Cinîyan ê Azadan (TJA) û Partîya Seypêyîye û Demokrasî ya Şaran (DEM Partî) yena pîrozkerdiş. Pîrozîye, Parka Newrozîeya qezaya Rezanî de ameye viraştene.
7 serrî ra heta 70 serrî welatîyî bi kincanê xo yê neteweyî verê xo dayê meydanê Newroze.
Heto bîn ra semedê Newroze bi sedan mêmanê ke tebere welatî ra ameyê dawetkerdiş zî platformê protokolî ame viraştene.
Pîrozkerdişê Newroze ya emserî ya Amedî de zaf welatan ra zaf kesî ameyî dawetkerdiş. Fransa ra heta Katalonya, Spanya, Îrlanda, Belçîka, Almanya, Îtalya, Kenya, Çekya, Hindistan, Misir, Îran, Lubnan, Îraq, Lîbya, Tunus û Herêma Kurdistanî ra bi seyan sîyasetmedarî, sendîkavanî, nûnerê rêxistinanê komelê sivîlî û rojnamegerî seba pîrozîye ameyî dawetkerdiş.
