ZAZAKÎ NEWS – Wekîlê HÜDA PARî yê Mersînî û Dîyarbekirij Faruk Dinç, Misir de wexto ke tewrê "Rayraşîyayîşê Wijdanî " yo ke bi waştişê akerdişê Berê Sînorî yê Refahî virazîya, tede birîndar bi. Ame vatiş ke halê weşîya Dinçî, ke hedîse de sereyê xo ra birîndar bi, baş o.
Seba Berê Refahî paştî daybi rayraşîyayîşî
Wekîl Dinç, seba ke paştî bido o rayraşîyayîşo ke Misir de hetê aktîvîstanê mîyanneteweyî ra virazîyayo, uca de bi. Armancê çalakîye no bi ke vera dorpeçê (ablukaya) Îsraîlî yê serê Xeze de bale bêra antene serê Berê Sînorî yê Refahî.
HÜDA PARî ra eşkerayîye
HÜDA PARî, eşkerayîya xo ya ke hêrişî ra dima kerde de, va ke halê Dinçî weş o la cîddîyetê hêrişanê vera aktîvîstan ser o vinderte:
“Birêz Faruk Dinç netîceyê yew hêrişî de sereyê xo ra birîndar bîyo. Talûkeyê ewleyîya canî sewîyaya cîddî de yo. Ganî yetkîlîyê (meqamê) Misirî lezabez bikewê dewre.”
