Parlamentera Kurd a Almanya Gökay Akbulut a ke vizêr Teyaragehê Antalya de hetê polîsan ra ameybî tepiştiş teşebusê Wezaretîya Teberî ya Almanya ser o ewro serbest ameya veradayîş.
Ame zanayîş ke Akbulut semedê parekerdişanê xo yê medya sosyale Tirkîya de ameya girewtiş. Wexto ke ameya tepiştiş hukmatê Almanya hukmatê Tirkîya ra waşto wa cade bêra veradayîş. Naye ser o Akbulut serbest ameya veradayîş.
Heto bîn ra Yewitîya Rojnamegeran a Almanya (DVJ) zî tepişyayîşê Parlamentera Kurd ser o yew beyanat dabî û waştbî wa kes nêşêro Tirkîya, Tirkîya de Demokrasî çîn ya.
Akbulut Kurd a, serra 1982î de bajarê Tirkîya Kayserî de ameya dinya û heşt serrîya xo de pa keyeyê xo şîya Almanya. Serra 2017î ra nata Parlamentoyê Almanya de parlamenter a.
