Şewa bîne Qeyserî de îdîa bi ke yew Sûrîyeyîjêk gedeyêka 5 serrî rê hêrişê cinsî kerdo.


Naye ser o Qeyserî de hêrişî sûriyeyijan bîyo û nijatperestî vejîyayê serê cadeyan, hêrişê dikan û wesayîtanê sûriyeyîjan kerd.

Taxa Danişmentgazi ya qezaya Melîkgazî ya Qeyserî de îdiaya ke mêrikêko sûriyeyî gedeyêk îstismar kerdo ser o, komêka qelebalixe kom bîy û Taxa Danişmentgazî de hêrîşê dikan û wesayîtanê sûriyeyîjan kerdîn. Tay dikanî û wesayîtî zî ameyî wêşnayîş.

Walîtiya Qeyserî aşkere kerd ke, gumanbarê îstismarî ameyo tepiştiş û geda zî nika destê dewlete de ya. 10 polîsê ke serebûtan de birîndar bîyê zî nêweşxane de yenê dermankerdiş.

Mîdûrê Emniyeta Qeyserî Atanur Aydin aşkere kerd ke gedaya ke raştê îstîsmarî ameya “Tirk nîya ” va: “Ez soz dana ke ma do keyeyo ke geda îstîsmar kerdo tebersînor bike."