Nuştox û cigêrayox Weysel Yıldızhan semedê xebata xo ya newîye ya bi nameyê 'Ferhengê Tarîxî yê Kirmanckî-Bi Tarîxê Nusîyayena Xo Ya Tewr Kehene Çekuyê Kırmanckî (Zazakî ) (1798-1903)' 8ê na aşme de eleqedaranê Zazakî dir yeno têhet.
Terraqe hetê Însîyatîfê Morceleyanê Kirmanckî ra tertîp bena û do cayê Vateyî de bêra kerdene û Yıldızhan do mêmanan rê behsê xebata xo bikero.
Terraqe do roja Yewşemeyî saete 17.00 de Mîyanê Sûrî de Qonaxê Îskender Paşayî de cayê Weşanxaneyê Vateyî de bo.
Nê rojan de Kitabê Veysel Yildizhanî yê bi nameyê 'Ferhengê Tarîxî yê Kirmanckî-Bi Tarîxê Nusîyayena Xo Ya Tewr Kehene Çekuyê Kırmanckî (Zazakî ) (1798-1903)' hetê Weşanxaneyê Peywendî ra weşanîya.
Weysel Yildizhanî xebata xo temam kerd û çap kerd. No kitab, bi tesbîtkerdiş û manakerdişê çekuyanê kirmanckîyan (zazakîyan) yê nuştekîyan yê tewr kehenan amade bîyo.
Weysel Yildizhanî destpêkê kitabî de vano ke;
Nusîyayîş seba yew ziwanî enstrumanêko winasi yo ke bi işaretanë bëven gan ē ziwanî ganî verdano. Ziwanë ke nusîyayê, xo dima tena ripelanê mure- kebinan ney, yew kulturi zi verdaně. Pêro wesiqeyê mendeyî, dewlemendiya ziwanî û prosesê vurîyayîşê çekuyan anê verê çimanê wendoxan. Eke në wesiqeyî ferhengî bê yan zî înan ra ferhengî bêrin amadekerdiş o wext muzeyēko kamil peyda beno. Muzeyo ke tede çekuyë seserran esté.
Seba na xebate ma metné tewr kehen yē kirmancki tesbit kerdi, heme çekuyê ê metnan ardî pêser û manayê înan bi tirkî nuşti. Bi na xebate ferhen- gēk virazīya. Seba ke çekuyê kirmanckî yê hemmanayî û çekuyê bi vatişanê (telafuzê) ciya-ciyayan têhet de biasê, ma no ferhengê xo tirkî-kirmancki amade kerd labelë tewr peyê kitabî de merdim şeno bi hetkariya îndeksi bireheti bireso listeya çekuyanê kirmanckî (zazaki).
