Wayîrê şirketê Tesla Elon Muskî yo ke wesayîtanê ceyraninan virazeno aşkere kerd ke, şirketê ey do serrêna bibo wayîrê robotanê sey merdiman. Nê robotî do semedê karê Tesla bêrê xebitnayîş.
Muskî hesabê xo yê Xî ser ra va: "Tesla do serrêna semedê karê xo yê mîyanê zereyî bibo wayîrê robotanê sey merdiman. Ma hêvî kenê ke serra 2026î de şirketê bînî zî bibê wayîrê nê robotan."
Muskî aşma Nîsane de zî aşkere kerdbi ke robotê Tesla yo bi nameyê Optîmus do bieşko heta peynîya na serre fabrîqe de wezîfe biko û peynîya serra 2025î de zî do semedê rotişî hadre bo .
Prototîpê robotê sey merdiman Optîmus serra 2022î de amebi daşinasnayîş.
