ZAZAKÎ NEWS -Qezaya Qerekoçanî ya Xarpêtî de mamostayo teqawid Ehmed Misranî Derîno 73 serreyî, verê keyeyê xo de bi darde bîyaye ame vînayîş. Verê dêsê baxçeyê keyeyî de Kerraya mezelî yo ke ey verî ra dayo viraştene, ame dîyayene.
Hedîse, saetanê sibayî de qezaya Qerekoçanî Taxa Kirkpinarî de qewimîya. Cîranan, mamostayo teqawid Ehmed Misranî Derîno ke tenya ciwîyayêne, verê keyeyê ey de bi darde bîyaye dî.
Xeberdayîş ser o ekîbê weşîye, îtfaîye û polîsî şawîyayî cayê hedîseyî. Ekîban tesbit kerd ke Derînî merdo.
Goreyê xebera DHAyî wexto ke cenazeyê Derînî seba otopsî ame berdene morga nexweşxane, verê dêsê baxçeyê keyeyî de Kerraya mezelî yo ke ser o "merdimo ke her weşîya ke kerda de zerar dîyo, Şaîr Misranî bîyayîş 1952" nuşte bî, ame dîyayene.
Derheqê hedîseyî de tehqîqat dest pêkerd.
