Qezaya Dîyarbekirî Baxlar de ewro cinîyêk hetê camêrdêk ra pê demonce amey qetilkerdiş.
Ewro serê sibayî qezaya Baxlarî, taxa 5 Nîsane, kuçeyê 798. de Hilal Kar (33 serrî) mîyanê kuçeyî de amey qetilkerdiş.
Goreyo ke ame zanayîş, Hilal Kar hetê mêrdeyê xo M.D. (40 serrî) ra pê demonce ameya qetilkerdiş. Hilal Kar sereyê xo ra gule girewt û cayê serebêutî de merd.
Îxbar ser ekîbê weşîye û polîsî ameyî cayê hêrişî. La çi heyf ke cinî cayê ke derb girewtbî de merdbî.
Kiştox M.D.' cayê serebûtî ra pê wesayît rema. Polîsan semedê tepiştişê ey dest bi cigêrayîş kerd.
Tirkîya û herême de her aşme bi qasê 30-40 cinî hetê camêrdan ra yenê qetilkerdiş.
Tîkîya senî ke dinya de hetê demokrasî, ekonomî û bêhuquqî ra xeylê apey a, hetê qetilbîyayîşê cinîyan ra zî vernîya zaf welatan de ya.
