Şaredarîya Amedî ya Şaristanê Girdî Qezaya Baglarî de goreyê standartanê FIBA'yî (Federasyonê Basketbolî yê Mîyannetewî) salona sporî ya sergirewta ya 1000 kesan û hawizê asnawkerdişî yo nêmolîmpîk çend rojan ra dima qedênena û dekena xîzmetê şarî.
Şaredarîya Amedî ya Şaristanê Girdî, Wezaretê Spor û Ciwanîye û şaredarîyê qezayan mabênê xo protokolêk îmza kerdbî û 17 qezayan de kêmanîyê sporî to bêrê temamkerdene. Serekîya Daîreya Karê Fenî Qezaya Baglarî de Sîteyê Toptancilarî de seba şarê xo salonêks zafhetî awan kena ke tede kê şênê, basketbol, voleybol hentbol kay bikê.
Salona sporî abena
Tesîso ke bi 60 milyon TL ame viraştene, 10 donumî erdî ser o seba 1000 kesan a. Rojanê ameyoxî de salona dekewena xîzmetê şarî.
Proje de 3 sahayê basketbolî ke verê est bîy, ameyî wekerdene, qezayanê merkezîyan de 3 sahayê mekteban de 2 sahayê basketbolî û sahayêka futbolî ame newekerdene.
Nêmolîmpîk hawizê asnawkerdişî
Mîyanê tesîsî de; odaya kincbedilnayîşî, WC, Awkî, Yewîneya Kontrolê Dopîngî, Yewîneya Weşîye, Arisîyayîşo Vîp, Arisîyayîşê Çapemenî, Kuncê Adirî, Depoyê Awe, Mescîdê Cinê û Camêrdan, Bufe, Salona Antrenmanî û Odaya Şewatî est ê.
Mîyanê tesîsî de nênolîmpîk hawizê asnawkerdişî zî hezar û 370 metrekare ser o ame awankerdene û dekeweno xîzmetê şarî.
Belgeya FIBA'yî
Salona sporî ya sergirewta ya 1000 kesan goreyê standartanê FIBA'yî ame awankerdene. Qedîyayîşê xebatan ra dima do belgeya FIBA'yî bêro girewtene.
