Festîvalê Rayê Kulturî yê Sûrî ke Amed de yeno viraştene, mabênê 12-20ê Teşrîna Verêne dest pêkeno.
Wezaretî beyanatê bi zonê kurdkî zî da, labelê hunermendê ke muzîkê kurdkî virazenê, mîyanê festîvalî de ca nêgirewtî.
Goreyê xebera Amîda Haberî Festîvalê Rayê Kulturî yê Sûrî ke emser reya diyine Amed de hetê Wezaretîya Kultur û Turîzmî ra yeno viraştene, do 12ê Tişrîna Verêne de dest pêbikero.
Wezaretîya Kultur û Turîzmî afîşanê xo yê îlanî de ca dayo kurdkî zî.
Programê festîvalî de emser hunermendê ke muzîkê kurdkî pêşkêş kenê ca nêgirewtî.
Do 9 rojî dewam biko
Festîvalo ke do 12ê Tişrîna Verêne de dest pêbikero, heta 20ê Teşrîna Verêne dewam bikero. Festîval de do bi konseranê hunermendanê namedaranê çar hetanê Tirkîya dest pêbikero. Konseran ra bigêre heta pêşangahan, tîyatro ra heta pêşkêşkerdişanê opera û baletî, qiseykerdişan ra heta atolyan, fealîyetanê gedeyan ra heta huneranê dîjîtalî do bi seyan fealîyetî cayanê cîya-cîyayan de bêrê viraştene. Çarçewaya festîvalî de do her roje hunermendêko cîya vejîyo sahne.
Festîval de nê hunermendî do deyîranê Tirkî vajê
12 Ekim: Murat Boz
13 Ekim: Ferhat Göçer
14 Ekim: Ebru Yaşar
15 Ekim: Fatma Turgut
16 Ekim: Emircan İğrek
17 Ekim: Merve Özbey
18 Ekim: Gökhan Türkmen
19 Ekim: Debublüman
20 Ekim: Alişan
