Welatê Hollanda de ewro weçînayîşê parlamentoyî esto. Holanda de karê raydayîşî dest pêkerdo û do heta saete 21:00 dewam biko.
Semedê serekwezîrîya Hollanda 5 namzetî estê û îhtîmal esto ke namzeda Kurd a Dêrsimije Dîlan Yeşîlgoz biba serekwezîra newîye ya Hollanda. Dîlan Yeşilgöz nika Hollanda de Wezîra Edeletî û Asayîşî ya Hollanda ya.
Eger Dîlan Yeşîlgoz sey serekwezîre bêra weçînitiş, do tarîxê Holanda de biba verêne serekwezîra cinî.
Parlamentoya Holenda de 150 kursî estê û semedê ronayîşê hukmatî gere 76 parlamenterî peyda bibê.
Dilan Yeşilgöz Kam a?
Dilan Yeşilgöz, 18 Hazirana 1977î de Anqara de ameya dinya û Dêrsimij a. Wexto ke a hema qij bîya keyeyê aye serra 1984î de rîyê sebebanê sîyasî ra koçê Hollanda kerdo. Dîlan Yeşîlgöz badê cû Partîya “Semedê Şarî Demokrasî û Azadî” (Volkspartij voor Vrijheid) de dest bi sîyaset kerd. Mabênê serranê 2014 û 2017î de weçînayîş de lîsteya partî ra sey endama Konseyê Şaristanî yê Amsterdamî ameye weçînayîş. Serra 2021î de hetê Serekwezîrê Hollanda Mark Rothe ra sey Wezîra Edeletî û Asayîşî ameye wazîfekerdiş.
